အခု အမှတ် (၆) စာအုပ်ဟာလဲ ဒီလို ဒွိဟ ဖြစ်တတ်တဲ့ စကားလုံး အသုံး ၂ မျိုးကို ရှင်းလင်းထားတဲ့ စာစုတွေကိုချည်း စုစည်း တင်ပြထားတာ ဖြစ်ပါတယ်။ ဒီလို ဆင်တူရာရာ စကားလုံးတွေကို စုစည်းထားတဲ့အတွက် ကိုယ် သိလိုတဲ့ စကားလုံးအကြောင်းကို မာတိကာကတစ်ဆင့် အလွယ်တကူ မှတ်သား လေ့လာနိုင်ပါတယ်။စာရေးသူ၏ အမှာစာခံ့အောင်၊ စကားခံ့အောင် သုံးချင်ဇောကြီးပြီး မလေးမစား ဖြစ်သွားရာကျတာကို သတိမထားမိတော့ ပစ္စည်းအသုံး ‘ပေး’ ဆိုတာကို ထည့်သုံးမိတတ်ကြပါတယ်။ ဒီလို ထည့်သုံးလိုက်တော့ သူတို့က တင်ပြပေးမှပဲ ဖတ်ခွင့်ရတော့မှာလိုလို၊ သူတို့က ကြေညာပေး မှပဲ နားထောင်ခွင့် ရတော့မှာလိုလို စသဖြင့် တင်စီးပြီး ပြောတဲ့ ပုံစံမျိုး၊ စီးပိုးပြီး ပြောတဲ့ ပုံစံမျိုး အဓိပ္ပာယ် သက်ရောက်နေလို့ ပစ္စည်းအသုံး ‘ပေး’ကို လက်လွတ်စပယ် မသုံးနှုန်းမိဖို့ သတိပြုရပါမယ်။ ပေးနဲ့ လိုက် မှ ‘ပြောင်းလဲ’ လို့ သုံးရင် ‘ပြောင်းလိုက်တယ်၊ လဲလိုက်တယ်’ ဆိုတဲ့ အဓိပ္ပာယ်တူ စကားလုံးနှစ်ခုကို တွဲသုံးထားလို့ လျော်ကန်တာ ဖြစ်ပါတယ်။ တကယ်လို့ ‘ပြောင်းလွဲ’ ဆိုပြီး သုံးမိမယ်ဆိုရင် ‘ပြောင်းတော့ ပြောင်းလိုက်တယ်၊ မှားယွင်း လွဲမှားနေတယ်’ ဆိုတဲ့ အဓိပ္ပာယ် ထွက်နေတာမို့ ‘ပြောင်းလဲ’ ရဲ့ အဓိပ္ပာယ်လိုမျိုး မရတော့ဘဲ မလိုလားအပ်တဲ့ အဓိပ္ပာယ် တလွဲကြီး ထွက်သွားတယ် ဆိုတာ ဆင်ခြင်ကြည့်နိုင်ပါတယ်။ ( ပြောင်းလဲနဲ့ ပြောင်းလွဲ မှ )
